傑斯仔's profile☜紅魔鬼部落☞۩๑PhotosBlogListsMore  |  Tools Help |
☜紅魔鬼部落☞۩๑
|
11 September 女子足球今日女子世界盃賽事開始, 揭幕戰由德國對阿根廷, 呢2隊男子足球就對得多, 女子足球就第一次睇, 原來德國女子隊好勁, 揭幕戰就以 11:0 大炒對手阿根廷, 真系巾幗不讓鬚眉呀, 呵呵!
  28 August 運氣紅魔鬼曼聯在幾經辛苦之下, 卒之在聯賽第四輪打開勝利之門, 以1:0小勝對手.
諷刺既系, 曼聯呢場根本打得唔好, 全場比對手壓住黎踢, 又護空門又中楣, 門前簡直風聲鶴唳, 但最後卻全取三分... 之前三場聯賽踢得好好, 卻錄得61次射門只入1球, 結果2和1負, 踢得好反而失分, 踢得差時反而勝利, 你話呢個咩世界!
 世事往往就系咁, 3分靠實力, 7分靠運氣, 運氣主宰一切, 呵呵!
 23 August 神童呢排好多神童出現, 繼有14歲9優會考生被大學取錄之後, 今日又有個9歲學生被浸會大學收取攻讀數學, 另外今日新發行既專題郵票既設計師系得10歲既小妹妹, 而家d小朋友真系犀利!
 但睇返d新聞訪問片段, 呢位9歲既小朋友一臉稚氣, 比起14歲果位既成熟程度真系差好遠, 雖然可能佢數學方面真系好叻, 但要知道大學生生活唔單只系讀書咁簡單, 仲有同新朋友們既社交活動, 宿舍生活等等, 都系將來回憶既一部份, 而呢位9歲小朋友話平時只想玩大富翁, LEGO果d, 睇黎都幾難同新同學仔溝通到, 唔通有機會去唱k時一齊唱兒歌咩...  一個小朋友心智仲發展緊時, 正常應該享受緊童年生活, 咁早入大學對佢黎講不知是好是壞. 話說回來, 大家記唔記得自己9歲時做緊乜? 我就唔系好記得lu. Anyway, 都祝佢地大學生活愉快啦!
 19 August 最佳十一人
曼聯官方網站最近投票選出， 曼聯英超史上最佳11人為： 12 August 看電影電影, 乃是光與影既結合, 再加上聲音, 又被稱為第八藝術.
基本上每個星期都會有新電影上映, 所以我都系電影院常客. 現今科技發達, 睇戲除左去戲院之外, 仲可以睇dvd, 睇收費電視, 上網睇等等, 不過我都系鍾意去電影院睇戲多d. 去戲院睇戲同系屋企睇碟既分別, 主要系戲院個銀幕大d(除非你屋企有幾廿寸投射銀幕), 睇特技片視覺效果好d, 睇戲時專心d, 同埋有種一氣呵成既感覺, 睇碟始終無咁集中, 受好多外來因素影響, 例如睇睇下會聽電話, 煮個麵, 又或者小個便等等, 呵呵!
 我喜歡一個人去睇戲, 每套電影其實唔多唔少都會有d訊息帶出, 一個人睇戲時可以自己靜靜咁思考下, 事實上你睇緊戲時都唔會同人講野架啦, 最多睇完先同人分享下既者, 當然如果去睇周星馳既笑片就例外...
除左一般既電影之外, 呢幾年香港都多左好多唔同既電影節可以欣賞電影, 最大型既算系香港國際電影節, 呢個一年一度既電影節每年大約3,4月間舉行, 另外仲有d小型既例如夏日國際電影節, 某院線既法國電影節等等, 真系多謝片商們為我地搜羅世界各地出色既電影, 香港影迷真幸福!
 講開看電影, 香港唯一既電影雜誌＜電影雙周刊＞已經停刊多時, 但我發現內地有本叫＜看電影＞既電影雜誌, 內容非常豐富, 有人物專訪又有新戲介紹, 而且價錢一d都唔貴, 如果你唔嫌棄簡體字既話, 不妨去賣大陸書既書店買返本睇睇!
  *同期其他朋友大作, 請到Alex處觀看
09 August 五星級評分 + IQ題今日中五會考放榜日, 是各莘莘學子既大日子, 今年既看點落在評級有新標準, 中英文科評級由過住ABCDE改為12345級, 5級以上另設5*級, 睇返個比例, 即系5*大約等於以前既A, 5就大約等於B, 1就大約等於F, 如此類推, 但考試局又話2種評分無直接關係, 咁奇怪都有? 同埋我唔明點解淨系中英文科先用呢種評級方法, 而其他科唔用既?? 計我話呢種評級最大好處就系令到人睇落以為整體成績好左, 考試局公布既數字又好睇D咯!
另一個看點系有一個14歲既考生取得9A佳績, 14歲跳班讀中五已經好勁, 仲要考到9A簡直要寫個服字, 睇返佢接受訪問, 對答大方得體, 一D都唔似14歲呀!
IQ題 : 今日放榜日, 各大報章多數都奉送會考放榜指南, 究竟邊份報紙最好賣? 邊份最滯銷呢? 呵呵!
答案(反白) : 星島(升到!)最好賣, 明報(明年再報!)最唔好賣!
 06 August 響頭炮英超新一季球季下星期六開鑼, 今個星期先黎一場慈善盾比賽, 由上季聯賽冠軍曼聯對上季足總盃冠軍車路士, 90分鐘打成1:1平手, 要以12碼決勝負, 結果曼聯門將雲達沙神勇地撲出對手3個12碼, 而曼聯3射皆入, 勇奪錦標, 新球季有個好開始, yeah!
05 August 紅魔鬼部落今期<周日名采>題目幾特別, 等我又寫下先.
記得呢度一開張並唔系叫呢個名, 而系叫"我的感覺", 當時諗住求其改住先既, 後尾想轉個有氣勢d既名, 而小弟是曼聯忠實fans, 所以就以曼聯綽號"紅魔鬼"行頭, 因為一講到紅魔鬼, 全世界都會第一時間諗起曼聯, 而部落乃是英文"blog"之譯音, 記得最初msn官方系叫blog做"網誌", 後尾改版先用"部落格"呢個名, 但我一早就已經用了, 系咪好有先見之明呢, 哈哈!
 叫得做＜紅魔鬼部落＞ , 當然主力寫我愛隊曼聯既東西. 新一季球季就黎又開鑼, 曼聯今季大肆擴軍, 中前場花左8000萬鎊買人, 實力比上季有過之而無不及, 務求盡攬各大錦標, 今季除左有件火紅色既新主場球衣之外, 另外亦有件黑色加紅邊既全新作客球衣, 睇落真系好有魔鬼feel呀!!
紅魔鬼熱女郎! * 同期其他朋友大作, 請到Alex處觀看. |
|
|||||||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts|
|
